أخبار وطنية شقيقة الإعلامي سمير الوافي تستنكر بشدة إضراب القضاة لهذا السبب
استنكرت أميرة الوافي شقيقة الإعلامي سمير الوافي قرار جمعية القضاة التونسيين المتمثل في تعليق العمل بكامل المؤسسات القضائية والمحاكم التونسية لمدة خمسة أيام احتجاجا على مشروع قانون المجلس الأعلى للقضاء، والذي أسفر عنه تأجيلالنظر في قضية سمير الوافي الى يوم الثلاثاء القادم 19 ماي.
وكتبت أميرة منذ لحضات مباشرة إثر قرار الإبقاء على شقيقها في حالة إيقاف التدوينة التالية:
" حسبي الله ونعم الوكيل...
قضاة يعملوا اضراب والموقوف من غير تهمة ثابتة يمشى ضحية!!!
علاش مايهمهمش راجل موقوف عندو شهر وما فم حتى دليل ضدو يزيد جمعة اخرى في الايقاف. ما يحسوش الى فم عائلة وفم أم يحسبو فى الايام بنهار باش تصير جلسة ويظهر الحق.
شنوة ذنبو هو حتى بعد شهر وصلنالو بالتاجيل يزيدوه جمعة اخرى عندكم حاجة! ضدو عندكم دليل! حاكموه كان فم حاجة أما مش هكا الانتقام.
علاش اش فم شنوة لقاعد يصير انسان برئ لتوة مفماش حتى دليل ضدو يزيد يتوقف اكثر مالشهر تقول قاتل روح هو قاتل الروح والمورطين في قضايا اخطر وساعات تلقاهم.يحوسو البرة خلى هذا ملف فارغ لا شاكي ولا متضرر ولا براهين ويصير فيه هذا الكل، انتقام أما مش مشكل نزيدو نستناو مادامنا متاكدين من براءتو وربي ما يضيعش لازم باش يجى نهار وينور الحق..."
